Foireann Feidhmiúcháin ESB
Díríonn an Fhoireann Feidhmiúcháin ar chur chun feidhme straitéis ESB, ar fhorbairtí teicneolaíochta agus tráchtála, ar chur chun feidhme clár, ar fheidhmíocht airgeadais agus iomaíoch, ar fhorbairt daoine, ar rialachas, ar fhorbairt eagraíochta agus ar bheartais ar fud an Ghrúpa.
Baill na Foirne
Marie Sinnott
Is í Marie Sinnott Grúp-Rúnaí Cuideachta ESB. Sular ceapadh in 2019 í, ba í Marie Grúpcheann Comhlíonta agus Bainistíochta Riosca Fiontair ESB, ról ina raibh sí freagrach as na próisis chriticiúla bainistíochta riosca agus géarchéime a fhorbairt agus a threorú do Ghrúpa ESB. Bhí roinnt róil bainistíochta sinsearaí eile aici chomh maith i gcaitheamh a gairme, iad i réimsí amhail bainistíocht tionscadal, bainistíocht athraithe agus soláthar. Is céimí tráchtála de chuid an Choláiste Ollscoile, Baile Átha Cliath í, tá MSc aici sa Léann Beartais Eacnamaíoch ó Choláiste na Tríonóide, Baile Átha Cliath, chomh maith le Dioplóma Iarchéime sa Rialachas Corparáideach ó Scoil Smurfit. Tá Marie ar Bhord na hInstitiúide Gnóthaí Idirnáisiúnta agus Eorpacha freisin.