Gairmeacha le ESB

Áit iontach is ea ESB le bheith ag obair ann. Beidh daoine cairdiúil, spreagúil thart ort agus iad ar fad ag obair le chéile chun dul i ngleic le cuid de dhúshláin mhóra ár linne.

Bhí áit riamh ag ESB do smaointeoirí forásacha ar mian leo difríocht a dhéanamh.

Táimid ag lorg daoine cumasacha ar mhaith leo a bheith ag obair linn chun todhchaí fuinnimh na hÉireann a chosaint. Is mór againn daoine uaillmhianacha, agus tá ardmheas againn ar dhaoine misniúla macánta. Mar chúiteamh, cuirimid ar fáil timpeallacht oibre éagsúil agus spreagúil, a bhfuil sochair iontacha le fáil ann.

Chun ár n-acmhainní TF / Teicneolaíochta a fheabhsú thar roinnt réimsí, táimid ag lorg Gairmithe TF / Teicneolaíochta cumasacha chun páirt lárnach a ghlacadh san aistriú chuig córas fuinnimh ísealcharbóin iontaofa, inacmhainne - todhchaí níos gile ar mhaithe le cách.

Déanann ár bhfoirne airgeadais straitéis ESB a mhúnlú agus a sheachadadh agus cuireann siad lenár láidreacht ó thaobh airgeadais de. Faigh amach conas is féidir páirt a ghlacadh i bhfoireann ardfheidhmíochta a thugann deiseanna duit scileanna nua a fhorbairt.

Táimid ar thóir daoine a bhfuil tallanna éagsúla acu chun réitigh nuálacha a aimsiú don todhchaí ísealcharbóin, daoine sna réimsí seo a leanas: soláthar, cuntasaíocht airgeadais, anailís tráchtála, acmhainní daonna agus seirbhís do chustaiméirí.

Tá ESB Networks ag lorg leictreoirí cáilithe le teacht ag obair linn mar Theicneoirí Líonra.

Aithnímid an luach a bhaineann le poist a thairiscint do phrintísigh, d’oiliúnaithe agus do chéimithe mar bhealach chun scileanna criticiúla a fhorbairt agus chun tallanna éagsúla a mhealladh isteach inár ngnólacht.