Cód Eitice an ESB 

In ESB, cloíonn na comhaltaí boird agus na baill foirne go léir le cód ina leagtar amach ár gcur chuige i leith iompraíochtaí freagracha gnó.

Is é bonn ár gcuid Cód go ndéanfaidh gach duine iarracht mhór a gcuid dualgas a fheidhmiú i gcomhréir leis na caighdeáin is airde ionracais, dílseachta, cothroime agus rúndachta, agus go gcloífimid le gach ceanglas dlíthiúil agus rialála.

Sceithireacht agus Nochtadh Cosanta

Chun tacú lenár dtiomantas d’ardchaighdeáin iompair agus chun cultúr oscailteachta, trédhearcachta agus cothroime a chothú, cultúr ina mbeadh sé sábháilte agus inghlactha ábhair imní a ardú, tugann ESB spreagadh d’fhostaithe agus do dhaoine eile ábhair imní a bhaineann le héagóir san áit oibre agus in áiteanna eile a ardú, ar éagóir í a bhaineann le hoibríochtaí ESB, agus tá coinne aige leis go ndéanfaidh daoine amhlaidh.

Tá sé mar aidhm ag an Acht um Nochtadh Cosanta, 2014 ná sraith cosaintí fostaíochta agus díolúine a chur ar fáil do sceithirí i ndáil le héagóir fhéideartha san áit oibre. I mBeartas ESB maidir le Sceithireacht agus Nochtadh Cosanta, leagtar amach na sásraí lena bhféadfaidh fostaithe agus lucht bainistíochta ESB ábhair imní a ardú nó nochtadh a dhéanamh ar mhaithe le leas an phobail, i gcomhréir leis an Acht um Nochtadh Cosanta, 2014.

Deimhníonn ESB go bhfuil cainéil tuairiscithe inmheánacha agus nósanna imeachta i bhfeidhm aige chun nochtadh cosanta a dhéanamh, mar a cheanglaítear leis an Acht um Nochtadh Cosanta, 2014 (arna leasú). Tá an fhaisnéis a chuir ESB ar fáil faoin Acht don Aire Caiteachais Phoiblí, Sheachadadh PFN agus Athchóirithe maidir leis an mbliain féilire dheireanach ar fáil le híoslódáil thíos: