Míníonn John Walsh, Bainisteoir na Teicneolaíochta atá ag Teacht Chun Cinn agus T&F, an fáth go bhfuil réitigh nuálacha ríthábhachtach chun todhchaí d’fhuinneamh glan a sholáthar.
Féach ar an bhFíseán
Is clár uaillmhianach é An tAtlantach Glas @ Gob na Muine chun suíomh ESB ag Gob na Muine i gContae an Chláir a aistriú ina mhol fuinnimh ghlais agus cabhrú le hÉirinn a bheith ina ceannaire ó thaobh fuinneamh glas a tháirgeadh agus a stóráil.
Féach ar an bhFíseán
Táimid ag breathnú ar na féidearthachtaí a bhaineann le fuinneamh a ghiniúint ó thonnta amach ó chósta Atlantach na hÉireann, acmhainn a bhfuil neart di ann. ‘Tionscadal Saoirse’ a ghlaoitear ar an tionscadal seo - forbairt fuinnimh tonnta de chúig MW atá suite ceithre chiliméadar amach ó chósta Chontae an Chláir.
Féach ar an bhFíseán
Tá teicneolaíocht nuálach forbartha ag ár n-innealtóirí chun deisiú siúntála a dhéanamh ar cháblaí leictreachais fomhuirí, rud a chuirfidh ar ár gcumas cáblaí a dheisiú agus iad ‘in situ’ ar ghrinneall na farraige.
Féach ar an bhFíseán
Lenár gclár saincheaptha seo, cuirtear ar a gcumas don fhoireann go léir ar fud ESB smaointe nuálacha a chur ar aghaidh, ar smaointe iad a d’fhéadfaí a fhorbairt ina ngnóthaí amach anseo. Roghnaítear cúig smaoineamh gnó gach bliain as an iliomad smaointe a chuirtear ar aghaidh chun breis forbartha a dhéanamh orthu, le tacaíocht ó phróiseas gorlainne le meantóirí seachtracha den chéad scoth atá lonnaithe in Dogpatch Labs, Baile Átha Cliath.
Tuilleadh Eolais
Tá an tAcadamh deartha chun inniúlacht i nuálaíocht atá dírithe ar chustaiméirí a chothú ar fud an ghrúpa, chun tacú leis an straitéis maidir leis an Neodracht. Reáchtáiltear an clár i gcomhar le hAcadamh Nuálaíochta COBÁC agus cuirtear i bhfeidhm é trí phróiseas foghlama eispéireasach agus praiticiúil atá bunaithe ar ghníomh. Tá an clár bunaithe ar na ceithre cholún de chruthaitheacht, comhoibriú, fiosracht agus cumarsáid.
Tuilleadh Eolais474c366bbb534550b6654bc379c49005.jpg?sfvrsn=b71f733e_2)
Is ceann de bhunaitheoirí Free Electrons muid, an clár is mó ar domhan a nascann cuideachtaí nuathionscanta le fóntais fuinnimh ar fud an domhain chun réitigh cheannródaíocha a sholáthar agus chun todhchaí an fhuinnimh a chomhchruthú.
Tuilleadh Eolais
Is clár gorlainne dár gcuid é X_Site a chuireann tacaíochtaí ábhartha ar fáil d’fhiontair slabhra luacha éagsúla lena chur ar a gcumas tionscadail nuálacha a fhorbairt, a fhás agus a uas-scálú. Tacaíonn an clár le tionscadail nuálacha nua a fhorbairt trí fhiosrú, foghlaim agus infhiontraíocht a dhéanamh le meon na cuideachta nuathionscanta.
Féach ar an bhFíseán
Is ar an ardán digiteach maidir le cúrsaí éiceachórais a shocraímid comhoibriú seachtrach agus nuálaíocht sheachtrach, rud a ligeann dúinn smaointeoireacht úr a spreagadh agus nuáil shábháilte a dhéanamh go tapa ag an am céanna, chomh maith le feabhas a chur ar ár gcumas dúshláin a réiteach sa domhan digiteach.
.jpg?sfvrsn=4d5f4139_1)
Díríonn foireann an luasaire dhigitigh ar dheiseanna nua gnó a fhorbairt agus ar dhúshláin a réiteach trí réitigh dhigiteacha a úsáid ar bhealach sofhreagrúil.
Téimid i dteagmháil le páirtithe leasmhara seachtracha, le forbróirí agus sainchomhairleoirí teicneolaíochta, le cuideachta nuathionscanta fuinnimh, le heagraíochtaí taighde agus leis an bhfoireann in ESB chun anailís agus measúnú a dhéanamh ar na teicneolaíochtaí atá ag teacht chun cinn sna réimsí giniúint leictreachais, solúbthacht, tras-fhuinneamh agus tras-thionscail. Déantar measúnú ar an teicneolaíocht atá ag teacht chun cinn faoi raon critéar, lena n-áirítear leibhéil réidhe teicneolaíochta, ionchais maidir le tráchtálú, príomhléargais mhargaidh agus an t-idirghníomhú a dhéanaimid le gach teicneolaíocht.
Déantar anailís sa tuarascáil ar 24 theicneolaíocht dhifriúla, ina measc giniúint leictreachais, stóráil agus solúbthacht, hidrigin, CCUS (gabháil, úsáid agus stóráil carbóin), custaiméirí cumhachtaithe agus teicneolaíochtaí digiteacha. Déantar anailís ar gach ceann de na teicneolaíochtaí seo de réir na teicneolaíochta, an tráchtálaithe, ár ngníomhaíochtaí féin agus ár mbeartas féin.
Féach ar an bhFíseán
Tugadh sainordú do gach uile aonad gnó inár ngrúpa chun nuálaíocht a dhéanamh agus déantar tionscadail a bhainistiú agus a sholáthar i ngach réimse faoi seach. Cuireann an fhoireann lárnach nuálaíochta tacaíocht ar fáil do dheiseanna idir aonaid ghnó, tá sí i gceannas ar phríomhchláir nuálaíochta agus cinntíonn sí go ndéantar gníomhaíochtaí nuálaíochta a ailíniú agus a chomhordú.
Tá mionsonraí faoi straitéis Nuálaíochta ESB Networks le fáil anseo agus faoi straitéis nuálaíochta Northern Ireland Electricity Networks le fáil anseo.