Le breis is 90 bliain anuas, táimid in ESB ag cur ár gcuid saineolais agus acmhainní chun tairbhe le solas agus fuinneamh a thabhairt chuig pobail anseo in Éirinn agus ar fud na cruinne, ag déanamh ár gcion féin le saol daoine a athrú ó bhonn agus le dul chun cinn agus athrú sóisialta agus eacnamaíoch a chumasú
Táimid faoi threoir ag tiomantas seasmhach chun todhchaí níos gile a sholáthar dá gcustaiméirí agus do na pobail a bhfreastalaímid orthu. Tá ESB ar an gcomhlacht fuinnimh is mó le rá in Éirinn ó bunaíodh siar in 1927 é. Bíonn sé mar sprioc againn i gcónaí difear a dhéanamh agus is mian linn an taithí agus an seasamh uathúil atá againn a úsáid chun dul i ngleic leis na dúshláin is mó atá roimh an tsochaí, lena n-áirítear an t-athrú aeráide.
Leigh nios mo
Táimid ag obair chun soláthar fuinnimh atá bunaithe ar leictreachas iontaofa, inacmhainne atá saor ó charbóin a chur ar fáil sa todhchaí. Táimid ag tógáil ar an obair atá déanta againn le níos mó ná céad bliain chun athrú mór a dhéanamh ar shaolta daoine agus chun dul chun cinn sóisialta agus eacnamaíoch a chumasú. Is é seo an cuspóir atá againn.
Leanfaimid orainn ag baint leasa as ár gcumas agus as ár n-acmhainní chun solas agus fuinneamh a thabhairt do phobail in Éirinn agus ar fud na cruinne. Tá Díocas Orainn Difríocht a Dhéanamh agus astaíochtaí neodracha a bhaint amach faoi 2040.
.jpg?sfvrsn=74e229c8_2)
In ESB, táimid ag glacadh seasaimh ar son thodhchaí na hÉireann, todhchaí arna cumhachtú ag leictreachas glan inbhuanaithe. Táimid tiomanta do bheith ar thús cadhnaíochta san aistriú chuig todhchaí atá iontaofa, inacmhainne agus neodrach ó thaobh fuinnimh. Todhchaí a dhéanfaidh ár gcustaiméirí agus an geilleagar a chosaint trí shlándáil agus inacmhainneacht fuinnimh a chothabháil.
Leigh nios mo
Táimid ag bogadh chun cinn maidir le freagracht shóisialta agus chomhshaoil, ag cothú éiteas slán sábháilte inbhuanaithe atá i gcomhréir lenár luachanna.
Leis an gciste seo, leithdháiltear €1m in aghaidh na bliana do charthanachtaí ar oileán na hÉireann a oibríonn i réimse na huilechuimsitheachta sóisialta go príomha (rochtain ar oideachas agus fostaíocht). Ina theannta sin, tacaíonn an ciste le charthanachtaí a oibríonn i réimse na heaspa dídine.
Táimid tiomanta do thacaíocht a thabhairt don phobal, saolta daoine a fhorbairt, agus dul chun cinn sóisialta, eacnamaíoch agus comhshaoil a chumasú. Tá sé mar aidhm againn todhchaí níos fearr a chruthú agus a chur ar fáil do chách trínár n-urraíochtaí, lena n-áirítear an urraíocht a dhéanaimid ar STEM, ar na healaíona agus ar an aistriú fuinnimh.
Youtube
Twitter
LinkedIn
Instagram