Is orainne go léir atá an fhreagracht as a bhfuil i ndán d’Éirinn ó thaobh fuinnimh de. Bunaíodh ESB mar chorparáid reachtúil i bPoblacht na hÉireann faoin Acht Leictreachais (Soláthar), 1927. Tá 97 faoin gcéad de ESB faoi úinéireacht Rialtas na hÉireann. Tá na 3 faoin gcéad eile i seilbh iontaobhaithe Plean Scair-Úinéireachta d’Fhostaithe.
Féach FíseánEolas faoi ESB
Tá ESB ar an gcomhlacht fuinnimh is mó le rá in Éirinn ó bunaíodh siar in 1927 é. Tá rún daingean againn difear a dhéanamh agus astaíochtaí nialasacha carbóin a bhaint amach faoi 2040. Caithimid dúthracht le fuinneamh glan, inacmhainne agus iontaofa a sholáthar, rud a thacaíonn le baint amach Spriocanna 7, 9 agus 16 de Spriocanna Forbartha Inbhuanaithe na Náisiún Aontaithe.
Is fóntas láidir éagsúlaithe muid atá ag feidhmiú ar fud an mhargaidh leictreachais: idir ghiniúint, tarchur, dáileadh agus soláthar. Oibrímid freisin in earnálacha gaolmhara eile inar féidir linn difear a dhéanamh, lena n-áirítear teileachumarsáid, luchtú feithiclí leictreacha, iarfheistiú tí agus a thuilleadh nach iad.
![](https://cdn.esb.ie/media/images/default-source/spotlights/dublin-bridge-with-esb-wave-29aa3626e0f524d6089630064396a3b8e.jpg?sfvrsn=95f12f80_2)
Cé Muid Féin
Cuirimid muinín sa nuálaíocht, san infheistíocht agus sa saineolas atá ann inár ngnólachtaí éagsúla.
Táimid ag baint tairbhe astu le córais chliste agus inbhuanaithe fuinnimh a fhorbairt d’fhonn dul i ngleic leis an athrú aeráide –ceann de na dúshláin is mó atá roimh an tsochaí sa lá atá inniu ann.
Is mian linn ár gcion féin a dhéanamh leis an tsochaí a aistriú chuig fuinneamh ísealcharbóin, inacmhainne ar féidir brath air.
Ag ESB, táimid ag cur lena bhfuil á dhéanamh againn le breis agus céad bliain le saol daoine a athrú chun feabhais — agus dul chun cinn agus athrú sóisialta agus eacnamaíoch a chumasú ag an am céanna.
Is é sin ár gcuspóir.
![beach with people and windmills](https://cdn.esb.ie/media/images/default-source/full-width---content-block/windmills-and-people-on-beach.jpg?sfvrsn=b415bb5b_3)
Ach an Saol Níos Gile sin a chruthú, freastalóimid ar riachtanais fuinnimh ár gcuid custaiméirí. Chuige sin, tá leas á bhaint as scoth ár n-éirime agus as an teicneolaíocht is úire dá bhfuil ann le réitigh nuálacha a chur ar fáil ar phraghas réasúnta agus, ar an gcaoi sin, dul chun cinn a dhéanamh i dtreo an tsaoil ísealcharbóin.
![](https://cdn.esb.ie/media/images/default-source/spotlights/windmills-and-blue-sky.jpg?sfvrsn=d57aedb2_2)
Táimid ag baint leas as ár n-acmhainní go léir le saol níos fearr a bhaint amach do chách san am atá le teacht.
Áirítear leis sin infheistíocht shuntasach inár bhfoireann, chomh maith le hoibriú i gcomhar le comhpháirtithe chun muinín a chothú, saol ár gcuid custaiméirí a fheabhsú agus dul chun cinn eacnamaíoch a spreagadh.
Chuige sin, tá ESB ag gníomhú go práinneach dírithe le glanmhéid nialasach astaíochtaí a bhaint amach faoi 2040.
Táimid ag cur an bhonneagair agus na seirbhísí i bhfeidhm le cur ar chumas ár gcuid custaiméirí agus na sochaí i gcoitinne déanamh amhlaidh.
Ár dTreoirphrionsabail
![](https://cdn.esb.ie/media/images/default-source/2-col-spotlight/worker-on-electricity-pole.jpg?sfvrsn=325d3a70_3)
Cor cinniúnach é seo dár gcuid custaiméirí, dár dtionscal, agus dár sochaí.
Fúinne atá sé a bheith ar thús cadhnaíochta lenár n-uaillmhian a bhaint amach.
Ní mór dúinn an misneach a bheith againn le beart a dhéanamh de réir ár mbriathair agus an fód a sheasamh ar son a bhfuil ceart.
Tá sé de fhreagracht agus de dheis ag gach duine againn dul i bhfeidhm ar ESB le gur féidir linn go léir a bheith bródúil as mar ghnó
![](https://cdn.esb.ie/media/images/default-source/2-col-spotlight/family-at-slar-panel-in-sun.jpg?sfvrsn=87ac52d4_3)
Ag ESB, táimid fite fuaite sna pobail a bhfreastalaímid orthu. Tá aithne againn ar na pobail seo, agus ar na daoine a chónaíonn iontu. Tugaimid aire dúinn féin agus dá chéile. Coinnímid an tsábháilteacht i gcuimhne, i gcónaí. Ba mhaith linn a bheith in ann a rá leis an gcéad ghlúin eile go ndearnamar ár ndícheall. Is é an aidhm atá againn ná oidhreacht dhearfach a fhágáil agus saol níos fearr a bhaint amach do chách.
![](https://cdn.esb.ie/media/images/default-source/2-col-spotlight/2-engineers-on-site.jpg?sfvrsn=5ee48a8e_3)
Ag ESB, tugaimid aghaidh ar an lá le fuinneamh, paisean agus diongbháilteacht. Is mian linn ár ngnó a dhéanamh níos éifeachtúla agus níos inbhuanaithe go fadtéarmach. Déanaimid ár ndícheall fíordhifríocht a dhéanamh ar son ár gcuid custaiméirí, comhghleacaithe agus pobal. Bímid sa tóir i gcónaí ar bhealaí leis na seirbhísí a chuirimid ar fáil dóibh a fheabhsú.
![](https://cdn.esb.ie/media/images/default-source/2-col-spotlight/esb-apprentice.jpg?sfvrsn=dd147e2d_3)
Táimid ag obair ón gcéad lá riamh le muinín a thuilleamh agus le dea-cháil a bhaint amach. Le déanamh amhlaidh, tugaimid tús áite do riachtanais ár gcuid custaiméirí agus pobal. Mar gheall air sin, tá an tsochaí ag cur muinín ionainn anois saol níos fearr a bhaint amach. Tá dul chun cinn, fás agus féidearthachtaí á gcumasú againn do na glúnta atá le teacht. Is mór an cúram é. Ní beag an rud í an mhuinín. Caithfear í a thuilleamh, agus caithfidh sí a bheith tuillte.