Taithí Ghairme

Ceapacháin Sheachtracha

Taithí Ghairme
Breis is 20 bliain de thaithí in earnálacha na teileachumarsáide agus na teicneolaíochta, lena n-áirítear poist sna margaí domhanda, réigiúnacha agus Éireannacha. Bhí poist aici roimhe seo le Microsoft mar Stiúrthóir Straitéise agus Inbhuanaitheachta, Stiúrthóir Réiteach Comhpháirtithe Domhanda agus Stiúrthóir Tráchtála. Is Ceannaire Margaidh do Chomhghuaillíochtaí Straitéiseacha PwC í faoi láthair. Tá Máistreacht san Eacnamaíocht Ghnó aici ó Choláiste na hOllscoile, Corcaigh (UCC), rinne sí staidéar i Scoil Sonraí agus Intleachta Saorga Insead agus is céimí í de chuid Chlár Ceannaireachta Inbhuanaitheachta Ollscoil Cambridge, 2022. 

Ceapacháin Sheachtracha
Comhalta de Bhord Ghrúpa Aerfort na Sionainne. Bhí poist neamhfheidhmiúcháin aici roimhe seo sa Ríocht Aontaithe, san Ísiltír, san Afraic Theas agus le déanaí bhí sí ar Bhord an Ospidéil Náisiúnta Máithreachais agus bhí ról comhairleach aici ar Chomhairle Fhoras Bainistíochta na hÉireann. Tá Aisling ar Ghrúpa Stiúrtha ‘30% Technology’ le ceithre bliana anuas. 

Taithí Ghairme
Thosaigh le ESB mar innealtóir iarchéime in 1989. Tá bunchéim agus máistreacht aici san innealtóireacht ó Choláiste na Tríonóide, Baile Átha Cliath agus DCU faoi seach, chomh maith le dioplóma sa Bhainistíocht Sócmhainní ón Institiúid um Bainistíocht Sócmhainní. D'oibrigh Gráinne mar Innealtóir Cairte (Innealtóirí Éireann) i Rannóg Giniúna agus Soláthair Cumhachta ESB Networks. Is Bainisteoir Straitéise Gnó í in ESB Networks faoi láthair.

Ceapacháin Sheachtracha

 

Taithí Ghairme
Is Maoirseoir Seirbhíse Teicniúla in ESB Networks é Trevor faoi láthair. D'oibrigh sé roimhe seo mar Bhainisteoir Córais, Maoirseoir Seirbhíse do Chustaiméirí, Oifigeach Oiliúna agus Teicneoir Líonra. Thosaigh Trevor ag obair in ESB mar leictreoir printíseach agus tá breis agus 20 bliain de thaithí aige leis an gcomhlacht.

Ceapacháin Sheachtracha
Ina Chathaoirleach ar Bhrainse Maoirseoirí Teicniúla ESB Connect ó 2018 i leith. Ionadaí ar Ghrúpa Ceardchumann ESB ó 2015.

Taithí Ghairme
Thosaigh ag obair le ESB i mí an Mhárta 1982. D'oibrigh sé ar feadh os cionn 40 bliain le ESB Networks mar oibrí ginearálta, mar oibrí línte saoiste, mar leictreoir agus mar theicneoir líonra.

Ceapacháin Sheachtracha
Ball gníomhach de Ghrúpa Ceardchumann ESB. Ina Leaschathaoirleach ar Choiste Bhrainse Fuinnimh SIPTU, ina bhall de Choiste Iompair, Fuinnimh, Eitlíochta agus Foirgníochta (TEAC) SIPTU agus ina Chisteoir ar Choiste Náisiúnta na Stiúrthóirí Oibrí.

Taithí Ghairme

Ceapacháin Sheachtracha

 

Taithí Ghairme
Cuntasóir cairte, a chuaigh faoi oiliúint le PwC, Céimí Tráchtála de chuid Choláiste na hOllscoile, Corcaigh agus Stiúrthóir Cairte. Chuaigh sé ar scor in 2019 tar éis dó a bheith ina Phríomhoifigeach Airgeadais i mBord na Móna cpt ar feadh 13 bliana. Bhí sé ina Stiúrthóir Bainistíochta Eatramhach ar an gcomhlacht in 2017/2018, leis. Roimhe sin bhí roinnt poist shinsearacha airgeadais aige in Éirinn, sa Ríocht Aontaithe agus sna Stáit Aontaithe i réimse tionscal, lena n-áirítear cógaisíocht, feistí leighis, forbairt maoine agus fáilteachas.

Ceapacháin Sheachtracha
Comhalta de Bhord Forbartha an Ospidéil Náisiúnta Phéidiatraicigh ó mhí Feabhra 2021.

Ceapadh Paul Stapleton ina Stiúrthóir Feidhmiúcháin i Rannóg Airgeadais agus Tráchtála an Ghrúpa i mí Dheireadh Fómhair 2022. Roimhe sin, ba é Stiúrthóir Bainistíochta Northern Ireland Electricity (NIE) Networks, fochuideachta neamhspleách de chuid ESB. Thosaigh sé le ESB in 1991 agus d’oibrigh sé i róil éagsúla airgeadais agus bhainistíochta ar fud an Ghrúpa, lena n-áirítear Bainisteoir Ginearálta Electric Ireland, Cisteoir Ghrúpa ESB agus Rialtóir Airgeadais ESB Networks. Tá sé ina bhall d'Institiúid Chairte na gCuntasóirí Bainistíochta agus ina Stiúrthóir Cairte IOD.

Thosaigh Sinéad Kilkelly ag obair le ESB i mí Aibreáin 2022 mar Stiúrthóir Feidhmiúcháin sa Rannóg Daoine agus Inbhuanaitheachta. Roimhe sin, bhí Sinéad ina Príomhoifigeach Daoine le Bus Éireann, post a bhí aici ó 2018. Bhí roinnt róil cheannaireachta shinsearacha eile aici in Éirinn agus thar lear, lena n-áirítear Leas-Uachtarán na Rannóige Seirbhísí Daoine i nGrúpa Eitlíochta Etihad in Abú Daibí, áit a raibh sí freagrach as cláir mhóra um athrú eagraíochtúil a stiúradh. Bhí róil shinsearacha Acmhainní Daonna aici freisin i mBanc Uladh agus in Intel Ireland. Tá Baitsiléir Eolaíochta (Bainistíocht) agus MBA ag Sinéad ó Choláiste na Tríonóide, Baile Átha Cliath (TCD). Is Comhalta Cairte í le CIPD agus comhalta boird le Self Help Africa.

Ceapadh Paul Smith sa phost mar Stiúrthóir Feidhmiúcháin sa Rannóg Innealtóireachta agus Mórthionscadal i mí Eanáir 2022. Roimhe sin, bhí roinnt ról bainistíochta sinsearaí ag Paul in ESB, lena n-áirítear Bainisteoir Oibríochtaí Giniúna agus, le déanaí, Ceann Forbartha Sócmhainní, áit a raibh sé i gceannas ar leathnú phunann in-athnuaite ESB in Éirinn agus sa Ríocht Aontaithe. Thosaigh sé ag obair le ESB in 1992 agus tá Baitsiléir Innealtóireachta aige san Innealtóireacht Leictreach agus Leictreonaice ó Ollscoil na Banríona, Béal Feirste. Ina theannta sin, tá máistreacht sa Riarachán Gnó aige ó Scoil Ghnó Smurfit. Tá sé ina chomhalta ar Chomhairle Institiúid Bainistíochta na hÉireann.

Taithí Ghairme

Ceapadh ina Phríomhfheidhmeannach é i mí Lúnasa 2021. Roimhe sin, bhí sé ina Stiúrthóir Feidhmiúcháin ar Ghnó Giniúna agus Margaí Mórdhíola ESB agus ansin ina Stiúrthóir Bainistíochta ar ESB Networks. Is Comhalta d’Institiúid Innealtóirí Éireann é agus tá céim mháistreachta aige san innealtóireacht ón gColáiste Ollscoile, Baile Átha Cliath, chomh maith le Máistreacht sa Riarachán Gnó ó Ollscoil Warwick. D’oibrigh Paddy i dtionscal na cruach sa Ríocht Aontaithe sular bhog sé go dtí an earnáil fuinnimh in 1999 chun ceannaireacht a ghlacadh ar chomhfhiontar Synergen idir ESB agus Statoil.

Ceapacháin Sheachtracha
Comhalta de Bhord Stiúrthóirí na hInstitiúide Taighde um Chumhacht Leictreach (EPRI). Cathaoirleach ar Thionscnamh na nDoirse Oscailte.

Tar éis dom a bheith ag obair le cúig bliana anuas in ESB mar Bhainisteoir Tionscadal agus ag obair dom anois mar Cheannaire Táirge do Electric Ireland, is féidir liom a rá go gcuireann ESB cuid mhaith deiseanna ar fáil le tacú le d’fhás agus d’fhorbairt mar dhuine. Is é nádúr ghnó ESB go bhfuil sé chomh leathan agus chomh héagsúil sin go dtugtar an deis duit scileanna nua a fhorbairt agus teicneolaíochtaí agus bealaí oibre nua a fhoghlaim i ré nua na bhfóntas digiteach. Thairis sin, ó thaobh Seachadadh TF agus Bainistíocht Táirgí agus Tionscadal de, is iontach an clár forbartha gairme atá i bhfeidhm ag ESB. 

Thosaigh mé ar Fhoireann Seirbhísí Fiontraíochta ESB i mí Dheireadh Fómhair 2020 mar anailísí sonraí agus, déanta na fírinne, bhí sé ar cheann de na cinntí ab fhearr a rinne mé riamh. Tugann mo bhainisteoir agus mo chuid comhghleacaithe an-tacaíocht dom – ós rud é go raibh muid go léir ag obair ón mbaile nuair a thosaigh mé, bhí mé an-bhuíoch go ndearna siad iarracht ar leith fáilte a chur romham. Bhí mé páirteach i roinnt tionscadail iontacha ó shin, agus rud eile, bhí mé in ann obair a dhéanamh orthu ar mo rogha bealach. Tá iontas orm faoin gcultúr oibre, faoin tsaoirse agus faoi na deiseanna a thugann ESB i gcomhair fás pearsanta agus gairmiúil araon, m.sh. cruinnithe duine le duine le do bhainisteoir, seisiúin oiliúna bheo a shocrú, ábhair chúrsa a chur ar fáil, srl. Níor chreid mé na rudaí maithe go léir a chuala mé faoi ESB, ach tar éis dom a bheith anseo le bliain anois, is féidir liom a rá go cinnte go bhfuil siad go léir fíor. Más spéis leatsa dul isteach in ESB, gheobhaidh tú neart deiseanna le do bhealach féin a dhéanamh agus le heolas a chur ar réimsí éagsúla gnó ar fud na heagraíochta. Molaim ESB go hard mar fhostóir.

Thosaigh mé le ESB in 2015 mar fhochéimí. Cuireadh fáilte mhór romham, tugadh tacaíocht dom agus mhothaigh mé ar an bpointe go raibh de chumhacht agam barr feabhais a bhaint amach. Tar éis dom aithne a chur ar na daoine agus cur amach a fháil ar an gcultúr agus ar na pleananna spreagúla a bhí ann ó thaobh TF de, bhí sé breá soiléir dom gur theastaigh uaim a bheith ag obair anseo. 
Tar éis dom céim a bhaint amach in 2017, d'fhill mé ar ESB, áit ar tugadh an deis dom oibriú in go leor róil agus réimsí éagsúla i Seachadadh TF, an t-aistriú a rinne mé le déanaí go Digiteach ina measc.  Aithníodh go luath go raibh an mianach ceart ionam agus níorbh fhada gur tugadh róil dhúshlánacha nua agus tuilleadh freagrachtaí dom, rudaí atá tar éis a lorg a fhágáil ar mo ghairm go dtí seo. Tá cluaisíní croí orm a bheith ag obair i réimse chomh dinimiciúil sin a bhíonn ag athrú de shíor. Is iontach an fuinneamh a thagann le gach tionscadal nua agus is deis iontach iad ar fad le fás agus forbairt i mo shaol gairmiúil agus pearsanta araon. Ní chreidfeá cé chomh bródúil agus atá mé as na tionscadail a raibh baint agam féin agus ag m’fhoireann leo agus táim ag tnúth go mór lena bhfuil i ndán dúinn ar an aistear seo.

I mí na Bealtaine 2018 ceapadh Paul Mulvaney ina Stiúrthóir Feidhmiúcháin sa Rannóg um Sheachadadh do Chustaiméirí, ESB Networks. Bhí sé ina Stiúrthóir Feidhmiúcháin sa Rannóg Nuálaíochta roimhe sin. Thosaigh Paul le ESB in 1985 agus bhí roinnt poist bainistíochta sinsearaí aige sa Rannóg Giniúna Cumhachta le caitheamh na mblianta. Bhí sé ina Bhainisteoir Cláir sa Rannóg Athraithe Chorparáidigh, leis. Ceapadh mar Stiúrthóir Bainistíochta ecars in 2009 é agus mar cheann Rannóg Dáileacháin agus Seirbhísí Custaiméara ESB Networks Teo. in 2012. Tá céim san Innealtóireacht Mheicniúil ag Paul agus chuir sé an tArdchlár Bainistíochta i gcrích i Scoil Ghnó IESE, Ollscoil Navarra. Comhalta de chuid Institiúid na Stiúrthóirí (RA), bronnadh Stiúrthóir Cairte na Bliana ar Paul sa bhliain 2020. 

Tá mé ag obair do BSL le beagnach 4 bliana anuas agus mé sa Rannóg Innealtóireachta agus Mórthionscadal le breis agus bliain anois. In BSL, bíonn deiseanna ann i gcónaí le do ghairm a chur chun cinn, agus fáil ar neart róil éagsúla taobh istigh den eagraíocht chomh maith. Tá bród orm as an gcultúr éagsúil agus cuimsitheach atá i réim in BSL mar tugann sé an deis dom a bheith ionam féin ag an obair. Tá líonra sóisialta iontach san eagraíocht agus tá sé ar nós go bhfuil tú mar chuid de theaghlach mór. Mholfainn post le BSL go hard mar gheall ar an réimse deiseanna gairme agus na sochair a thugtar d’fhostaithe, mar aon leis an timpeallacht dhearfach oibre.

Ar an bhFoireann Innealtóireachta agus Mórthionscadal, bhain mé taitneamh as an réimse tionscadal a raibh mé ag obair orthu agus as an bhfreagracht a leagadh orm mar innealtóir óg agus mé ag obair anseo in Éirinn agus i mBairéin. Obair dhúshlánach a bhí ann, ach thug sí an deis dom forbairt mar dhuine tríd an tacaíocht a thug comhghleacaithe dom agus tríd an oiliúint ghairmiúil a cuireadh ar fáil dom. Tá mé ag súil go mór leis na dúshláin spreagúla a bheidh le sárú againne sa Rannóg Innealtóireachta agus Mórthionscadal san am atá le teacht faoin Straitéis i dTreo Saol Níos Fearr, áit a leagtar cúram iontach tábhachtach orainn sa saothar le saol ísealcharbóin a bhaint amach anseo in Éirinn agus thar lear.

Ceapadh Nicholas Tarrant mar Stiúrthóir Bainistíochta ESB Networks i mí Mheán Fómhair 2021. Roimhe sin bhí sé ina Stiúrthóir Feidhmiúcháin sa Rannóg Innealtóireachta agus Mórthionscadal. Thosaigh Nicholas le ESB in 1993 agus bhí roinnt poist bainistíochta sinsearaí aige ó shin, lena n-áirítear Bainisteoir na Rannóige Giniúna, áit a raibh sé freagrach as an bpunann ghiniúna 4,800MW a bhí ag ESB, agus príomhbhainisteoir Chiste Teicneolaíochta Glaine Novus Modus, ciste de chuid ESB arbh fhiú €200 milliún é. Is innealtóir cairte é in Institiúid Innealtóirí na hÉireann agus tá MSc sa Bhainistíocht aige ó Choláiste na Tríonóide, Baile Átha Cliath. 

Ceapadh Geraldine Heavey chun phost an Stiúrthóra Feidhmiúcháin sa Rannóg Seirbhísí Fiontair i mí an Mheithimh 2018. Bainisteoir na Grúp-Rannóige Airgeadais agus Tráchtála ab ea í roimhe sin. D’oibrigh sí i bpoist éagsúla airgeadais agus bhainistíochta in ESB ó 1993 i leith, lena n-áirítear Rialtóir Airgeadais san Ionad Seirbhíse Gnó agus in Electric Ireland, Bainisteoir, Rialtóir Trádála agus Airgeadais ESB, Giniúint Cumhachta ESB. Is cuntasóir í agus tá máistreacht aici sa Riarachán Gnó ó Ollscoil Chathair Bhaile Átha Cliath. Is comhalta seachtrach de Bhord Tráchtála Ollscoil Chathair Bhaile Átha Cliath í agus tá sí ina cathaoirleach ar an gCoiste Iniúchóireachta.