Tá na blianta amach romhainn ríthábhachtach chun teorainn a chur le tionchair an athraithe aeráide. Táimid ag maireachtáil le hiarmhairtí an téimh dhomhanda cheana féin agus imeachtaí adhaimsire agus tubaiste a bhaineann leis an aeráid ag tarlú níos minice ar fud an domhain. Mar cheann de na príomhchuideachtaí fuinnimh a bhfuil gealltanas tugtha againn chun freastal ar an tsochaí, tá ár straitéis Tiomantas do Dhifríocht a Dhéanamh: Neodracht a bhaint amach faoi 2040 ailínithe againn chun an gníomhú práinneach a bhfuil gá leis a bhaint amach. Trínár gcóras leictreachais a dhícharbónú agus tríd an gcumhacht ghlan sin a úsáid in ionad breoslaí iontaise in earnálacha cuir i gcás teas agus iompar, is iad fóntais leictreachais mar ESB a chuirfidh ar ár gcumas córas fuinnimh saor ó charbón a bhaint amach.
Táimid ag forbairt an fhuinnimh in-athnuaite agus ag nascadh foinsí fuinnimh in-athnuaite chun an córas leictreachais a dhícharbónú faoi 2040. Táimid ag infheistiú i bhforbairt córas giniúna inbhuanaithe nua, lena n-áirítear córais fuinnimh gaoithe agus gréine ar tír nó amach ón gcósta, agus táimid ag cur go mór leis an méid fuinneamh in-athnuaite atá nasctha lenár líonraí leictreachais.
Táimid ag infheistiú i mbonneagar chun soláthairtí leictreachais iontaofa agus slána a choinneáil ar bun chun na hardleibhéil giniúna in-athnuaite a éascú agus chun tacú leis an spleáchas méadaitheach ar leictreachas i ngach earnáil. Tá líonraí níos cliste agus níos athléimní a bhforbairt againn chun freastal ar leictriú an iompair agus an téimh, chomh maith le hacmhainn stórála fuinnimh ríthábhachtach.
Táimid custaiméirí agus pobail á gcumhachtú againn chun glanastaíochtaí nialasacha carbóin a bhaint amach. Is léiriú é seo ar ár dtiomantas seanbhunaithe don bhonneagar, na táirgí agus na seirbhísí is déanaí agus is nuálaí a sholáthar chun cabhrú lenár gcustaiméirí saol níos éifeachtaí agus níos inbhuanaithe a chaitheamh.
Tá cultúr solúbtha, uilechuimsitheach atá bunaithe ar luachanna á chruthú againn chun daoine a chumhachtú chun torthaí agus a lánacmhainneacht a bhaint amach.
Tuilleadh Eolais
Tá an fheidhmíocht agus an láidreacht airgeadais á gcoinneáil ar bun againn a theastaíonn chun infheistiú i dtodhchaí a bheidh glan ó charbón.
Tuilleadh Eolais
Táimid ag bogadh chun cinn maidir le freagracht shóisialta agus chomhshaoil trí éiteas slán sábháilte inbhuanaithe atá i gcomhréir lenár luachanna a chruthú.
Tuilleadh Eolais
Tá leas á bhaint againn as sonraí agus as teicneolaíochtaí digiteacha chun feabhas a chur ar ár bhfoireann agus ar eispéiris ár gcustaiméirí, agus chun bonneagar agus táirgí níos cliste agus níos éifeachtúla a chruthú.
Tiomanta do Dhifríocht a Dhéanamh: Neodracht a bhaint amach faoi 2040 trí úsáid a bhaint as ár gcreat straitéiseach a chinntíonn go bhfuil gníomhartha agus cinntí comhsheasmhach lenár gcuspóir agus lenár luachanna. Tacaíonn ár straitéis go díreach le Spriocanna Forbartha Inbhuanaithe na Náisiún Aontaithe (SDGnna), lena gcuirtear treoirphlean domhanda ar fáil chun todhchaí níos fearr agus níos inbhuanaithe a bhaint amach do chách faoi 2030. Táimid ag díriú ar thrí cinn de na SDGnna inar féidir linn difríocht bhuan inláimhsithe a dhéanamh.