Bhíomar go hiomlán tiomanta i gcónaí, ó bunaíodh sinn beagnach 100 bliain ó shin, do shaol na gcustaiméirí agus na bpobal ar a bhfreastalaímid. Déanaimid pleanáil don fhadtéarma, agus bímid meáite de shíor ar réitigh a aimsiú a théann chun tairbhe na sochaí anois agus a dhéanfaidh amhlaidh amach anseo.
Chuireamar treochlár le chéile i Márta 2024 maidir le conas a bheartaímid ár n-uaillmhianta a leagtar amach inár straitéis - Tiomanta do Dhifríocht a Dhéanamh: Neodracht a Bhaint Amach faoi 2040 a bhaint amach. Neodracht a Bhaint Amach faoi 2040 Leagadh amach sa treochlár seo ár spriocanna laghdaithe meántéarma, ár dtionscnaimh feidhmíochta straitéisí (SPIanna) anuas ar an obair a bhí á déanamh againn chun tacú le dícharbónú ar fud na sochaí i gcoitinne.
- Faoi úinéireacht 96.9% ag Rialtas na hÉireann
- I measc na margaí, tá Éire agus an Bhreatain Mhór
- Tá úinéireacht ag ESB ar na líonraí go léir i bPoblacht na hÉireann agus i dTuaisceart Éireann
- Margadh leictreachais na hÉireann: Sciar 30% den ghiniúint agus sciar 41% den soláthar
- Is ionann gnólachtaí líonraí leictreachais rialaithe in Éirinn agus 67% de EBITDA an Ghrúpa agus 68% de Shócmhainní an Ghrúpa (2018-2022), ar an meán
- Le tacaíocht ó chreataí bunaithe agus trédhearcacha rialála a measann na gníomhaireachtaí rátála creidmheasa gur creataí láidre iad
- Meán-EBITDA: €1.4bn agus Giaráil: 56% (2018-2022)
- Cistiú éagsúlaithe agus seasamh láidir leachtachta
- Rátálacha creidmheasa A- agus A3
Tá bunathruithe chun feabhais á ndéanamh againn ar fud ár ngnólachta chun tacú le pleananna náisiúnta um ghníomhú ar son na haeráide agus chun aghaidh a thabhairt ar dhúshláin éagsúla idirnasctha inbhuanaitheachta. Tá sprioc leagtha amach againn neodracht a bhaint amach faoi 2040 agus táimid tiomanta dó seo a dhéanamh ar bhealach a chuireann ar chumas pobal agus gnáthóg nádúrtha maireachtáil faoi rath. Dírímid ar athnuaiteáin a fhorbairt agus a cheangal, ar bhonneagar seasmhach a thógáil agus ar a chur ar chumas ár gcustaiméirí saol níos sláintiúla agus níos inbhuanaithe a mhaireachtáil agus leictreachas glan á úsáid.
Le beagnach 100 bliain anuas, tá ár gcumas agus ár saineolas curtha i bhfeidhm againn chun réitigh fuinnimh chliste agus inbhuanaithe a fhorbairt.
Tuilleadh Eolais