Skip to Content
English

Straitéis Maoinithe

Dírítear inár Straitéis Maoinithe ar a chinntiú go bhfuil acmhainní airgeadais solúbtha agus costéifeachtúla ar fáil do Ghrúpa ESB chun tacú le fás agus le hinfheistíocht leanúnach ar aon dul leis an straitéis gnó trí chéile.

Lorgaíonn an eagraíocht cistiú fadtéarmach, faoi réir costais agus dálaí margaidh, de dheasca chineál fadtéarmach shócmhainní Ghrúpa ESB. Déanaimid dícheall freisin foinsí éagsúla airgeadais a bheith againn le héagsúlacht ár mboinn cistithe a uasmhéadú agus lena chinntiú gur féidir linn na foinsí is oiriúnaí agus is cost-éifeachtúla cistí a úsáid go solúbtha.

Lorgaímid cistí a thiomsú agus na téarmaí siúd i gceist a chinntíonn gur féidir ár bpróifíl aisíocaíochta a bhainistiú agus go mbaineann sí cothromaíocht mhaith amach, agus gan aibíocht a bheith á baint amach ag níos mó ná 25% den fhiachas in aon bhliain amháin. Dírímid freisin ar shaoráidí tiomanta (nó airgead tirim) atá ar fáil atá comhionann le riachtanais ghlanchistithe 12-18 mí a choimeád i gcúlchiste. Déantar formhór an tiomsaithe cistí ar leibhéal mháthairchuideachta ESB, nó trínár bhfochuideachta airgeadais, ESB Finance CGA, atá ráthaithe ag ESB.

Maoiniú agus Bainistíocht Riosca

Tá baint lárnach ag bainistíocht riosca lenár mbeartais mhaoinithe. Sa chás gur féidir, déanaimid iarracht airgeadra an fhiachais a mheaitseáil le hairgeadra an tsreabhaidh ioncaim, nó ionstraimí díorthacha a úsáid chun seo a bhaint amach.

Ní féidir ionstraimí airgeadais díorthacha a úsáid ach le rioscaí margaidh airgeadais a dhéanamh slán (rioscaí úis, rioscaí airgeadra, rioscaí ráta malartaithe) anuas ar rioscaí praghais fuinnimh, agus i gcomhar le bun-idirbheart (fálú) amháin. Ní dhéanaimid sealbhú ná trádáil ar ionstraimí díorthacha ar mhaithe le cuspóirí amhantracha.

Rátálacha Creidmheasa

Is í sprioc ESB leanúint le cóimheasa airgeadais a bhaint amach a thacaíonn le rátáil íosta aonair BBB+ lenár solúbthacht airgeadais a chothú agus lena chinntiú go mbíonn teacht ar bhonn fairsing infheisteoirí do chuspóirí maoinithe. Déanaimid teagmháil leanúnach leis na gníomhaireachtaí a dhéanann sinn a rátáil (Moody’s agus Standard & Poor’s) lena chinntiú go bhfuil siad ar an eolas ar ár bhfeidhmíocht leanúnach oibriúcháin agus ar na saincheisteanna ábhartha uile a dhéanann difear don chuideachta.

Tá rátáil chreidmheasa A- bainte amach againn ó Standard & Poor’s agus rátáil A3 ó Moody’s agus chuir an dá ghníomhaireacht tuar dearfach in iúl inár leith.

Tuilleadh Eolais

Cumarsáid

Táimid tiomanta do chabhrú lenár n-infheisteoirí cinntí feasacha a dhéanamh faoin nGrúpa. Lorgaímid ardleibhéal trédhearcachta a bhaint amach agus fáiltímid roimh aiseolas agus ceisteanna ó infheisteoirí, anailísithe agus ó bhaill eile den phobal airgeadais maidir le conas is fearr is féidir linn freastal ar do riachtanais. Cuirimid glaonna comhdhála ar siúl freisin le hanailísithe fiachais agus le hinfheisteoirí ar a laghad faoi dhó sa bhliain agus déanaimid idirchaidreamh rialta leis na bainc a bhfuil croíchaidreamh againn leo.

Tá ESB faoi úinéireacht 96.9% ag Rialtas na hÉireann. Tá an fuílleach 3.1% faoi úinéireacht fhoireann ESB trí Iontaobhas Úinéireachta Scairshealbhóra Fostaí. Ní bhfuair ESB aon chistiú gnáthscaireanna óna scairshealbhóirí ó cuireadh tús leis in 1927 agus mhaoinigh sé a ghníomhaíochtaí trí mheascán d’airgead tirim a gineadh ó ghníomhaíochtaí oibriúcháin agus de chistiú fiachais.

Tuilleadh léitheoireachta