Creidimid i gcumhacht an fhuinnimh ghaoithe agus an cumas atá ann todhchaí neodrach ó thaobh fuinnimh a chur i gcrích. Ónar bunaíodh ár gcéad fheirm ghaoithe 5MW i gCnoc an Cheannaí, Contae Dhún na nGall, sa bhliain 1998, tá punann sócmhainní d'fhuinneamh gaoithe ar tír forbartha againn a bhfuil d'acmhainn aici beagnach 850MW d'fhuinneamh glan a sholáthar in Éirinn agus sa Ríocht Aontaithe.
Leanaimid de foinsí soláthair de shócmhainní fuinnimh ar tír a fhorbairt in Albain agus sa Bhreatain Bheag tríd an gcomhpháirtíocht atá againn le Coriolis Energy, forbróir atá mar cheannródaí neamhspleách sa réimse fuinnimh gaoithe.
Tuilleadh Eolais
D'oibrigh ESB agus Bord na Móna i gcomhar le chéile chun an fheirm ghaoithe is mó in Éirinn a thógáil in Eidhneach i gContae Mhaigh Eo, feirm a sholáthraíonn 172MW d'fhuinneamh glan.
Breathnaigh ar an bhFíseán
Tá sé mar aidhm ag an gcomhfhiontar idir Coillte agus ESB, FuturEnergy Ireland, an t-aistriú chuig geilleagar ísealcharbóin in Éirinn a spreagadh trí 1GW de thionscadail fuinnimh gaoithe a fhorbairt faoi 2030, tionscadail a sholáthróidh dóthain fuinnimh le haghaidh 500,000 teach cónaithe.
Tuilleadh Eolais
Tuigimid nach féidir an t-aistriú chuig sochaí neodrach a thaobh fuinnimh de a bhaint amach ach amháin trí fhorbairt fhreagrach a dhéanamh, forbairt a bhfuil fíor-rannpháirtíocht sa phobal mar dhlúthchuid di. Ba mhaith linn go mbainfeadh ár n-infheistíochtaí i bhfeirmeacha gaoithe amach sochair shóisialta, gheilleagracha agus chomhshaoil don tsochaí go fadtéarmacha.
Ag obair i gcomhar lenár bpáirtithe comhfhiontair, tá cistí sochar feirmeacha gaoithe curtha i bhfeidhm againn chun idirghníomhaíocht agus rannpháirtíocht dlúth leis na pobail atá suite in aice lenár bhfeirmeacha gaoithe a spreagadh, agus cabhrú leis na pobail sin a bheith níos inbhuanaithe trí thacaíocht a thabhairt do thionscnaimh agus do ghníomhaíochtaí dearfacha áitiúla.
Bronntar thart ar €1 milliún gach bliain ar na pobail seo trínár n-eagraíochtaí deontas ainmnithe. Ar an meán, cuirfear tús leis an gcistíocht sé mhí nó dhá mhí déag tar éis don fheirm ghaoithe dul i mbun feidhme, agus maireann an ciste ar feadh shaolré na feirme gaoithe (tréimhse 20 go 25 bliana, de ghnáth).
Bainimid úsáid as seirbhísí roinnt cuideachtaí neamhspleácha (ar a dtugtar: Eagraíochtaí Déanta Deontas, nó GMOanna) chun maoirseacht a dhéanamh ar gach céim de riar an chiste, ó athbhreithniú na n-iarratas go dámhachtain na gcistí.
Áirítear orthu sin na heagraíochtaí seo a leanas:
Cé go mbíonn roinnt eisceachtaí ann, cuirfear ar fáil deis gach bliain iarratas a chur isteach ar chistiú. Bíonn an deis seo ar oscailt ar feadh mí amháin, de ghnáth.
Seo a leanas liosta iomlán dár gcistí:
Cé go mbaineann riachtanais éagsúla le gach ciste, d'fhéadfadh aon cheann nó gach ceann de na nithe seo a leanas a bheith riachtanach agus d'iarratas á chur isteach agat:
Cistiú
Tá luach measta ag gach ciste chun treoir a thabhairt maidir leis an méid a mbeifí ag súil leis a fháil. Ní hionann an luach measta sin agus íosmhéid ná uasmhéid. Níl ann ach léiriú ar an méid acmhainní a mheastar a bheidh ar fáil ó bhliain go bliain. Féadfaidh dámhachtainí bheith níos mó ná na luachanna measta sin má cheaptar go bhfuil sochar straitéiseach suntasach ann don phobal.
Cuirtear na cistí ar fáil d'eagraíochtaí seachbhrabúsacha agus deonacha atá lonnaithe i gcomharsanacht ceann dár bhfeirmeacha gaoithe. Eagraíochtaí lena n-áirítear, ach gan a bheith teoranta do:
Is ionann an ‘Limistéar Sochair‘ nó AOB agus limistéar laistigh de raon 10km ó fheirm ghaoithe ina bhfuil na pobail is mó a bhainfidh leas as an gcistiú suite. Dá bhrí sin, tabharfar tosaíocht do na hiarratais a thagann ó limistéir laistigh den AOB.
Chun go ndéanfaí iarratas ar chistiú ó lasmuigh den AOB a mheas, ní mór don iarratas sin an leas a bheidh ann do na pobail laistigh den AOB a léiriú.
Is iad na hEagraíochtaí Déanta Deontas (GMOanna) ábhartha a mheasfaidh na hiarratais trí chomhairle a dhéanamh le coistí meastóireachta inmheánacha nó seachtracha. Déantar gach iarratas a mheasúnú de réir na gcritéar agus na scór ualaithe seo a leanas:
Le blianta beaga anuas, tá sé tugtha faoi deara againn go raibh deacrachtaí ag scoileanna iarratas a dhéanamh ar Chistiú ós rud é go raibh formhór na n-iarratas sin ag teacht salach ar fhoinsí cistithe reachtúla cosúla. Chuige sin, agus cé go bhfuil na critéar incháilitheachta fós i bhfeidhm, cuirimid fáilte roimh iarratais sna réimsí spéise seo a leanas:
I bhformhór na gcásanna, cuirfear cinneadh in iúl i scríbhinn d'iarratasóirí laistigh de dhá mhí tar éis an dáta deiridh d'iarratais ar Chistiú.
Le linn an phróisis mheastóireachta, déantar gach iarracht measúnú a dhéanamh ar gach iarratas de réir na gcritéar ar bhealach atá comhsheasmhach agus cothrom. Tá cead ag aon iarratasóir nach n-aontaíonn le toradh an phróisis sin scríobh chuig an GMO ábhartha chun aiseolas breise a iarraidh faoina n-iarratas.
Cé go bhfuil na cinntí a dhéanann coiste meastóireachta / painéal pobail GMO críochnaitheach, agus nach bhfuil siad faoi réir achomhairc, cuireann iarratais den sórt sin ar ár gcumas bheith ag foghlaim, agus d'fhéadfaí an t-aiseolas atá iontu a úsáid chun bonn eolais a chur faoi straitéisí eile amach anseo.
Chun glacadh le tairiscint deontais, ní mór gach conradh a shíniú agus a sheoladh ar ais tríd an bpost chuig an GMO ábhartha laistigh de 15 lá oibre ón dáta a fhaightear é.
Tríd an gconradh a shíniú agus sheoladh ar ais, tuigtear leis sin go n-aontaíonn tú le téarmaí agus coinníollacha an chonartha:
I gcás go measann ESB agus/nó aon chuideachta chomhlachaithe dá cuid go bhfuil sárú déanta ag an iarratasóir ar théarmaí agus ar choinníollacha an chonartha, coimeádaimid an ceart chugainn féin an deontas a bronnadh a tharraingt siar agus éileoimid aisíoc d'aon chistiú a fuarthas.
Ina theannta sin, ní ghlacfar lena thuilleadh iarratas ar chistiú ó na heagraíochtaí/daoine aonair sin ar feadh tréimhse dhá bhliain ar a laghad. Tar éis na tréimhse sin, ní ghlacfar le haon iarratas ó na heagraíochtaí ná ó na daoine aonair sin ach amháin más féidir leo fianaise a chur ar fáil go bhfuil gníomh déanta acu a gcumas a neartú, lena n-áireofar fianaise ar thacaíocht a lorgaíodh ó fhoinsí tacaíochta/scátheagraíochtaí cuí eile.
Bronntar gach deontas ó na Cistí go cúlghabhálach; mar sin, ní chuirfear aon airgead ar fáil d'eagraíocht sula mbeidh an tionscadal atá beartaithe acu curtha i gcrích acu. Chun íocaíocht cúnaimh deontais a fháil, ní mór duit an fhoirm éilimh deontais a chomhlánú agus na doiciméid tacaíochta riachtanacha eile a sheoladh ar aghaidh, mar atá luaite san fhoirm féin agus sa chonradh sínithe. Beidh moill ar phróiseáil aon éileamh ar dheontas atá neamhiomlán.