“Tá gealltanas tugtha againn in ESB fórsa saothair éagsúil a chruthú agus a chothabháil, agus cultúr comhionannais, ionchuimsithe agus muintearais a chothú. Tá sé ríthábhachtach, chun Neodracht faoi 2040 a bhaint amach, timpeallacht a chothú ina bhféadfaidh daoine a bheith istigh leo féin, dul ó neart go neart agus ceangal lenár gcuspóir a mhothú” - Paddy Hayes, Príomhfheidhmeannach ESB
Féach ar an bhFíseán
Is mian linn fórsa saothair a bhíonn ag éirí níos éagsúla agus cultúr solúbtha muintearais agus ionchuimsithe a thógáil, ionas go mbeimid in ann difear a dhéanamh, le chéile, agus neodracht a bhaint amach do chách sa todhchaí. Tá ár ngealltanas d’Éagsúlacht, Comhionannas, agus Ionchuimsiú nasctha go smior lenár luachanna maidir le bheith Comhbhách, Cróga, Tiomanta agus Iontaofa. Tá tuilleadh eolais faoinár gcuid luachanna anseo.
Cuirimid raon tacaíochtaí ar fáil dár bhfostaithe, lena n-áirítear deiseanna saincheaptha maidir le forbairt gairme, mar shampla an tionscnamh ‘Bealaí chuig an Rath’ atá dírithe ar mhná, deiseanna chun meantóireacht, cóitseáil, folláine, agus obair dheonach a dhéanamh, gealltanas maidir le hoibriú cliste agus cláir do gach tuismitheoir, mar shampla ‘Aistriú Rathúil chuig an Tuismitheoireacht a Bhainistiú’.
Sa chéad tuarascáil maidir le hIonchuimsiú, Comhionannas agus Inrochtaineacht, léirítear cuid de na céimeanna atá á dtógáil againn chun inrochtaineacht a chinntiú dár gcuid fostaithe go léir, do na fostaithe faoi mhíchumas agus do na custaiméirí faoi mhíchumas. Tá comhoibriú fós ar bun againn le comhpháirtithe amhail AsIAm, AHEAD agus le Tionscnamh na nDoirse Oscailte chun oiliúint ionchuimsitheach san áit oibre a sholáthar agus chun fostaíocht daoine faoi mhíchumas san eagraíocht a chur chun cinn.
Is féidir an tuarascáil a íoslódáil chun na mionsonraí go léir a fháil.
Tá ceithre Ghrúpa Acmhainní d’Fhostaithe againn, ar grúpaí deonacha iad faoi stiúir fostaithe a bhfuil an taithí saoil chéanna acu nó atá sa déimeagrafach céanna, agus a gcomhghuaillithe. Tugann na Grúpaí Acmhainní d’Fhostaithe tacaíocht dár bhfostaithe, cruthaíonn infheictheacht, cuireann muintearas ar fáil agus treoraíonn an Straitéis maidir le hÉagsúlacht, Comhionannas, agus Ionchuimsiú laistigh de ESB. Tá ceannaire agus comh-cheannaire ar gach grúpa agus tugann urraitheoir feidhmiúcháin tacaíocht dóibh.
Táimid bródúil as bheith inár gcomhpháirtí le heagraíochtaí comhpháirtíochta seachtracha. Tugann ár gcomhpháirtithe treoir agus tacaíocht leanúnach dúinn leis na hiarrachtaí go léir a dhéanaimid chun fórsa saothar éagsúil atá bunaithe ar chultúr comhionannais, ionchuimsithe, caoinfhulaingthe agus muintearais a chruthú agus a chothabháil.
.jpg?sfvrsn=c7e70dc9_1)
